茶舍 (淘大商場2期)

營業中

休息中

港式餐廳真係唔食一排就已經好掛住，茶舍係近期興起嘅港式餐廳中我比較鍾意嘅一間。佢嘅食物配搭會新穎一啲，而且質素一般都不俗。咁啱今日中午想食，又唔想等位，於是就叫咗外賣。餐牌款式好多佢嘅三文魚炒飯一流，大家可以見到張相入邊食材非常之足料。三文魚雖然係整碎咗，但係個口感都食得出，而且再加埋一啲蟹子喺上面，仲有其他配料，好香。佢每粒飯都粒粒分明，但係又唔會油包飯，好欣賞今次仲專登試埋佢嘅焗意粉，因為係焗所以等嘅時間都相對耐少少。佢嘅焗意粉真係好好食。主要係因為佢裏面嘅意粉焗完之後都仲係好有水份，唔會乾爭爭。上面嘅醬汁又好夠。一個人都可以食晒成兜。另外我叫咗佢嘅水果茶同埋檸檬茶。水果茶入邊啲料嘅份量都幾多，而且外賣卻俾咗樽裝我，夠曬方便我仲加配咗幾件cheese cake，最欣賞嘅係原味，芝士嘅濃度似紐約cheese cake，但係個質感又比較濕潤有少少日式feel，整體配搭好唔錯。另一件柚子味嘅芝士蛋糕，柚子味道都好突出。