龍景軒

營業中

休息中

自從食過晚餐為之驚艷後，終於book到午市食點心。點心款式比想像中少，但勝在樣樣都可以逐件叫，人人可以自選心水點心。必叫菠蘿叉燒包、芋角、鮑魚雞批、蘿蔔絲酥。芋角極度鬆化酥脆超輕盈一點都唔油超出色的脆度，裡面芋頭餡軟棉芋香十足。蘿蔔絲酥的酥皮都是做得很好，酥而不膩。菠蘿叉燒包熱辣辣，菠蘿皮香脆，滿滿叉燒餡，味道調得好好味。點心高質精美是預期之中，但沒有晚餐菜式咁驚喜。由於點心款式不多，也點多了一些主菜，果然主菜仍是最為突出。咕嚕准山真係相當驚喜，准山超級爽脆外層有著薄薄的脆漿，加上出色酸甜汁，好食過傳統豬肉版。非同「飯」響用了米型意粉做飯，煙韌又好咬，比飯口感好得多！惹味爆炒但一點都不油膩。叉燒用上高質梅頭肉，超鬆軟口感，蜜味香而不過甜，但個人喜歡有更多燶脆邊🫢 還是較喜歡上次晚飯的菜式。