吉野家 (已結業)

之前已經聽過吉野家個三點三下午茶好抵食!!! 今次經過apm，時間差唔多，一於食呢個餐先。另外仲有個唐揚雞配牛肉飯餐都好吸引呢!!!三點三下午茶餐包左迷你牛肉飯(如果唔食飯，好似可以揀烏冬架)，胡麻凍豆腐同珍寶腸同飲品。雖然話係迷你牛肉飯，但份量唔算小，下午茶食就剛剛好，加埋牛肉汁會更好味!! 珍寶腸都算大條，如果皮脆啲會更好食。細佬就食左叉燒冷面，份量唔算好大碗，以下午茶計，夠飽嘅!! 醬汁當然係萬能芝麻醬喇!! 細佬話叉燒如果嫩啲更好味!! 下次要試試唐揚雞嗰款先。