皇室盛宴 (已結業)

哩間前前後後已經食過兩次，第一次係上年年尾公司聖誕包場，第二次就係朋友生日食飯，今年男朋友生日再食，因為已經食過兩次既關係，就問餐廳會唔會其他新菜式可以試下，同以往一樣黎之前已經睇左會食咩，為左保持神秘冇話比男朋友知！今次有新野試，三瓜水立方 (西瓜，牛油番瓜，蜜瓜)，非常有心思同創意既頭盤，賣相好靚 擺碟亦好精緻，粒粒瓜都經過輕煎，牛油番瓜比較硬身，蜜瓜同西瓜就分別有燒燒地既味道。另一道新菜就係黑松露龍蝦湯，之前黎兩次都係黑松露野菌湯，今日個龍蝦湯又唔錯喎，味道夠濃之餘帶點松露香味。老闆認得我，最後請我地飲左passionfruit tea，好香，由於是花茶關係，味道唔係太濃，但都多謝老闆！