米線陣 (已結業)

今日同美國返黎嘅朋友晨早入左東涌，想搭360睇大佛，8點半入到東涌搵早餐食，一出地鐵見到pret,但唔想食凍冰冰西式三文治，行下行下就見到有米線陣，隔離痴住一粥麵。一粥麵日日都喺樓下食啦，於是試下米線陣。以為遊客區好貴，呢間店又裝修得好開揚同光猛，點知我叫左個沙嗲牛肉米線加蛋煙肉餐包同一杯野都係34蚊。我朋友叫左門口推介果個榨菜肉鬆煎薄撐，連杯豆漿都係28蚊，不過佢餓得濟相機未食就食晒。食完早餐暖笠笠搭360，真係唔錯。