影片
更多
2022-10-13
61 瀏覽
厚福街藍馬大廈真係好多好嘢食，最近開始轉涼，想食熱辣辣既串燒，就去咗炎鳥羽試下！一出lift就見到醒目既招牌，一定唔會搵錯。餐廳都算寬敞，仲有包廂位置，私隱度不錯，今日六點半嚟到，七點鐘就爆場，大家都要預返時間喇！一坐低就上咗餐前前菜，有三款小食，各有特色，特別鍾意佢碟菜係用自家製胡麻汁調味，芝麻味香，認真開胃。一開始我地就試咗「油甘魚腩刺身」（$98），刺身有四塊，厚切平均，新鮮不在話下，油脂味都十分香！任何醬汁都唔洗加已經夠曬鮮甜。之後食咗一客「吞拿魚他他配牛油果」（$78），份量比想象中多，共有六塊，吞拿魚牛油果配上脆餅同紫菜，包住嚟食，有鬆脆，有軟糯，口感十分豐富，係我好推介既菜色！下一客係「生蠔」四隻（$58一隻），餐廳做緊買三送一優惠，我地就叫咗兩生兩熟。我自己會鍾意生既多啲，生蠔大大隻，鮮甜到不得了，好似去咗日本食蠔咁既感覺！當然熟蠔就係另一番風味，多啲食佢既炸蒜同配料，同樣咁惹味。跟住係「燒明太子」（$88），明太子係福岡產，新鮮就緊架喇，燒完魚香更加出，調味啱啱好，配埋青瓜蘿白茸就唔會太膩！跟住就係最期待既炸物！先有「雞肉棒」（$48），雞肉棒內含軟骨，食落既鬆軟亦有
最近開始轉涼，想食熱辣辣既串燒，就去咗炎鳥羽試下！
一出lift就見到醒目既招牌，一定唔會搵錯。
餐廳都算寬敞，仲有包廂位置，私隱度不錯，
今日六點半嚟到，七點鐘就爆場，大家都要預返時間喇！
一坐低就上咗餐前前菜，有三款小食，各有特色，
特別鍾意佢碟菜係用自家製胡麻汁調味，芝麻味香，認真開胃。
一開始我地就試咗「油甘魚腩刺身」（$98），
刺身有四塊，厚切平均，新鮮不在話下，油脂味都十分香！
任何醬汁都唔洗加已經夠曬鮮甜。
之後食咗一客「吞拿魚他他配牛油果」（$78），
份量比想象中多，共有六塊，
吞拿魚牛油果配上脆餅同紫菜，包住嚟食，
有鬆脆，有軟糯，口感十分豐富，係我好推介既菜色！
下一客係「生蠔」四隻（$58一隻），
餐廳做緊買三送一優惠，我地就叫咗兩生兩熟。
我自己會鍾意生既多啲，生蠔大大隻，鮮甜到不得了，
好似去咗日本食蠔咁既感覺！
當然熟蠔就係另一番風味，多啲食佢既炸蒜同配料，同樣咁惹味。
跟住係「燒明太子」（$88），
明太子係福岡產，新鮮就緊架喇，
燒完魚香更加出，調味啱啱好，配埋青瓜蘿白茸就唔會太膩！
跟住就係最期待既炸物！
先有「雞肉棒」（$48），
雞肉棒內含軟骨，食落既鬆軟亦有咬口，
配埋月見醬汁，味道更有層次！
另一客係「荔枝豚肉卷」（$32），
無諗過串燒可以咁fresh！薄薄既豬肉包住juicy既荔枝肉，
兩種截然不同既口感係口腔爆發，係令人難忘既！
跟住就試咗「海膽天婦羅」（$108），
蔬果類天婦羅就食得多，海膽真係第一次試！
炸皮十分薄脆，入面有塊紫蘇葉包住海膽，
可以令海膽味道更加突出！
最後叫咗一餐「日本芝士年糕」（$28），
無諗過炸物小食既芝士可以咁香濃，
一咬入去熱辣辣既芝士醬流入口腔，
果種滋味係超市果啲芝士年糕完全無得比！
嘢飲方面，我地叫咗一杯「烏龍茶燒酎」（$58）、一杯「巨峰燒酎」（$58），
我地平時都少飲酒，但呢兩款真係勁易入口！
烏龍茶更可以消滯，食多多嘢都唔怕！
巨峰甜度唔錯，食每款食物之間，可以清清口腔既餘味。
整體嚟講，呢個價位食到咁既級數，真係無得彈！
張貼
