All Day Cafe (已結業)

上水呢片土地嘅空氣喺呢兩年都格外清新，好、清，爽！入到嚟呢區飲啡選擇唔多，除咗兩間較出名嘅地舖小店外，喺上水廣場五樓嘅餐廳樓層都有一間，路線比較親民貼近返附近居民同學生哥嘅需要，最多人食又快靚正嘅係特式意粉。嗯試過其中一款，neighbourhood 質素，不過不失啦！至於咖啡選擇都多，穩陣試咗個Cold brew，口感尾段有種深焙嘅澀口與苦感。整體性價比高，以商場內嘅小店計，意粉有好多選擇，好適合放工放學後食個quick meal！