榮發茶餐廳

營業中

休息中

一家四口去食飯，諗住簡簡單單去茶餐廳，點知食物係畀酒樓質素更高。而且食物非常多元化，小菜、煲仔飯、粥、腸粉....都有齊。蝦米腸~蝦米係大大隻果種，香味完全滲透整條腸粉，用料十足，腸粉亦夠幼滑。雞粥~粥底夠曬綿密，雞件數量亦都好多，雞油香陣陣撲入鼻中。小炒王~坊間多以韭菜花為主菜，但呢度會用西芹替代，口感更加清爽，而當中嘅腰果亦都深得我心！炸到恰到好處！蒸鱔~鱔蒸嘅時間恰到好處，而且非常新鮮，魚肉有咬口之餘，配上汁料，簡直係絕配！鹽焗雞半隻~聽聞雞係由沙頭角嗰邊攞貨，仲要係走地雞，一啲雪藏味都冇！夠曬入味!臘味煲仔飯~臘味唔會好似坊間咁放曬上飯面，竟然埋喺飯中心，咁樣就可以將所有臘味嘅精華完全滲入飯中，粒粒都令人回味無窮！