影片
更多
2015-11-29
870 瀏覽
係上水捐窿捐隙搵好野食終於搵到間滿意既飯店喇！多款菜式選擇，有燒味、廣東小炒、川菜、潮菜、家常小菜、游水海鮮、等等！又多個搵食地方喇！普通燒味飯店格局，有樓上雅座、後巷位供食客選擇。空氣尚算流通，衛生都免強達接受程度。豬骨冬菇菜乾湯，例湯無味精好好飲。湯底夠晒熱，菜乾咸咸地，豬肉味濃郁，食落軟棉，連渣都無剩。雪耳豬骨湯，湯汁濃郁到離奇！超級好飲既非一般例湯，燒味飯店既例湯一向有保證，因有大量下欄豬骨豬肉，掉晒落湯度餚，湯汁唔濃肉味都難啦。雪耳菊花咁大朵，有隻碗咁大，夾住咬好似食緊包一樣，勁搞笑！雪耳爽口，部份膠質已溶係湯汁之中，使到湯汁黏黏膠膠的，大愛！五層樓燒肉例牌，上網睇到係招牌菜所以慕名而來，專程黎一探虛實。索一索五層樓燒肉，烤豬肉香味濃厚，令人垂涎欲滴。五層不同既質感清晰可見，揀舊最靚既點少少芥辣掉入口，堅係絕頂高質噃，一咬皮脆肉嫩！香口非常又唔會油膩！頂層脆卜卜化皮，蓋著薄薄油香脂肪，之後半肥瘦爽口豬肉，再黎係肉汁澎湃既瘦肉，壓軸係重咸香結實豬肉。分開食會平平無奇，但成舊食混和所有質感同味道，神奇既化學作用，非常好食！添上芥辣微辛帶甜，去一去膩滯感覺，啖啖肉，爽乎！五層樓燒肉
係上水捐窿捐隙搵好野食終於搵到間滿意既飯店喇！多款菜式選擇，有燒味、廣東小炒、川菜、潮菜、家常小菜、游水海鮮、等等！又多個搵食地方喇！普通燒味飯店格局，有樓上雅座、後巷位供食客選擇。空氣尚算流通，衛生都免強達接受程度。
豬骨冬菇菜乾湯，例湯無味精好好飲。湯底夠晒熱，菜乾咸咸地，豬肉味濃郁，食落軟棉，連渣都無剩。
雪耳豬骨湯，湯汁濃郁到離奇！超級好飲既非一般例湯，燒味飯店既例湯一向有保證，因有大量下欄豬骨豬肉，掉晒落湯度餚，湯汁唔濃肉味都難啦。雪耳菊花咁大朵，有隻碗咁大，夾住咬好似食緊包一樣，勁搞笑！雪耳爽口，部份膠質已溶係湯汁之中，使到湯汁黏黏膠膠的，大愛！
五層樓燒肉例牌，上網睇到係招牌菜所以慕名而來，專程黎一探虛實。索一索五層樓燒肉，烤豬肉香味濃厚，令人垂涎欲滴。五層不同既質感清晰可見，揀舊最靚既點少少芥辣掉入口，堅係絕頂高質噃，一咬皮脆肉嫩！香口非常又唔會油膩！頂層脆卜卜化皮，蓋著薄薄油香脂肪，之後半肥瘦爽口豬肉，再黎係肉汁澎湃既瘦肉，壓軸係重咸香結實豬肉。分開食會平平無奇，但成舊食混和所有質感同味道，神奇既化學作用，非常好食！添上芥辣微辛帶甜，去一去膩滯感覺，啖啖肉，爽乎！
五層樓燒肉例牌，尊登行多幾條街黎食招牌五層樓燒肉，都值既！層次分明、五種質感與味道，肉香味濃有軟棉有滑溜有咬口，鬆化脆卜卜燒肉皮，加埋芥辣更醒神。如果有食神照住可以撞到剛剛出爐熱辣辣燒肉，就真係不得了！
野椒炒鵝腸，見到個名好有趣咪試試囉。我諗野椒意思係嗰啲青色辣椒仔，原條炒辣味完全唔出，鵝腸只食到甜甜豉椒味。鵝腸質地非常腍劈劈，完全唔爽口，怪怪的！
刴椒蒸排骨，酸酸辣辣好開胃，雖然只係現成剁椒醬，微辣帶咸香撈飯一定好好食，但食晒碟排骨個咸魚叉燒炒飯都未到啊。排骨半肥瘦，質地舊舊軟腍有咬口，部份仲有軟骨脆卜卜呢。
咸魚叉燒炒飯，第一味燒肉上枱已即刻追加碟咸魚叉燒燒飯，但等到三個餸差不多食晒先到囉！炒得有點濕又有點油，唔夠乾爽喎，所以鑊氣有點削，黏住飯既油似係浸咸魚既油囉！味道就真係唔錯，好香口！飯都炒到一粒粒好飽滿又好嚥韌！
油雞髀叉燒飯，上次食切雞中左伏，無雞味只有咸味，又硬又乾，今次試試油雞先，好好多！可能雞肉被豉油焗過，所以較切雞軟滑，不過質地依然實淨，肉汁欠棒，豉油味略咸，整體合格。叉燒都係好平庸，唔難食，有點乾硬，入得口。白飯算滿意，撈上甜豉油添點蔥油，加舊叉燒或雞肉，大大啖啪入口，感覺良好，都唔錯既。
食咁多野，阿姐聽到都呆一呆，哈哈。美國捱完返到黎都成個月，但仲未停到口添，日日 keep 住密密食！係美國無啖好食囉！
張貼
