丼道 (上水廣場)

營業中

休息中

以家上水廣場多左好多不同餐廳，終於唔駛食黎食去都係個幾間。今日我地去位於上水廣場3樓「丼道」丼飯專門店食晚飯。餐廳有多款丼飯、小食、甜品選擇，餐廳亦有自家製的和風蘋果咖喱飯/烏冬，選擇多元化。餐廳以QR落單，方便快捷又環保。海鮮刺身丼配味噌湯和有機烏龍蜂蜜綠茶賣相吸引，刺身鋪滿飯上面，刺身有赤蝦、三文魚、吞拿魚、油甘魚、馬刀貝、八爪魚、魷魚、鮑魚刺身、玉子燒，刺身厚薄適中，夠新鮮，而且丼飯用上日本國產高級食米越光米，越光米飯粒飽滿，口感粘糯，軟硬適中。親子丼滑蛋雞肉丼雞肉用上「日本九州產華味鳥」華味鳥飼養過程不含賀爾蒙、激素或添加劑。雞肉味重，口感結實，配上滑蛋一齊食，簡單又美味。朱古力芝士蛋糕濃厚的朱古力香氣，朱古力與芝士配搭得很好，質感幼滑軟身。京都宇治抹茶芝士蛋糕濃濃的宇治抹茶，芝士蛋糕軟綿柔滑，配上蛋糕底下的餅乾碎，口感有層次。