梳乎厘 (已結業)

老友生日，一於食餐勁嘅！一行七人，當中有人已試過這店子，熱烈推介，果然沒有令我們失望，食物美味之餘，店員的態度也很親切。我地食左好多野，本人最喜歡是龍蝦沙律及海南雞，龍蝦沙律單是賣相已經好得，好colourful ，一拿出來就好開心好哄動，龍蝦好有鮮味，肉質甜美，配埋牛油果就真係一絕。海南雞就大大隻去埋⻣，好淋好滑，一啲都唔靭，好有新加坡的海南風味。海南雞仲配埋個湯，好清甜，好似食緊冬瓜盅咁。我地仲叫左生蠔，可惜本人剛巧生病唔食得，所以未知味道如何，只見朋友們都大口大口的食完一隻又一隻，仲猛話好正好正咁去引我，激死人呀！下次一定要試下補番數！仲有個和牛及意粉，我們點了神戶和牛，五成熟，外香內嫩肉汁濃；意粉就配有日本煎帶子同法國藍蝦，我第一次食法國藍蝦，呢個配搭都唔錯。有咁嘅質素，如在尖沙咀區人流一定好旺，唔知點解老闆會揀在上水開店。