孖寶 (已結業)

今晚同老公二人世界，想食好D慶下佢，唔去得遠，係番呢附近食，都係諗起呢間西餐廳，坐得舒服又靜靜地，有小小FEEL。呢度既湯同包仲係好高質，磨菇忌廉湯有TEXTURE 又滑。哈蜜瓜凱撒沙律、哈密瓜超甜，菜都好新鮮，個芝士好有驚喜，唔怪得見有D女仔就咁食當晚餐，真係都幾飽肚。另外叫左個肉眼，5成熟，肉汁多又嫩滑。南瓜虎蝦意大利飯，超JUICY ，虎蝦大隻彈牙，飯同汁既比例剛剛好，我自己一個唔小心清晒咁滯。