台灣ET鹽水雞 (符興街) (已結業)

上水石湖墟多返啲小店😍！呢間細細嘅 ET鹽水雞 令我翻check 幾次😋！$58 冷麵＋三個配菜，今日 揀咗海帶、蜂巢豆腐＆ 甜不辣，BB 辣🌶️最啱我，將所有材料醬汁拌勻就食得，雞脾肉🐔好嫩滑，連調味都可以選擇正常、淡、濃，啱晒唔同人口味，我鍾意佢嘅香料濃郁，愈食愈開胃🤤 ，涼浸浸嘅冷麵，好啱夏天食！鐘意食餸嘅我，仲另外嗌咗 5 款配菜！ 青蘋果🍏 + 菠蘿🍍 + 芋絲 + 招牌洋葱 + 台式麻吉燒，台式麻吉燒好好味，入面嘅麻薯又甜又煙韌 ，同爽脆嘅水果＋洋葱，口感豐富，多重味道！招牌洋蔥係生洋葱，有陣辛辣，比較啱大人架。