影片
更多
2016-12-22
272 瀏覽
知道坑口新開咗間上海婆婆, 我就約咗朋友去食. 上海婆婆係香港都已經有好多分店, 而且價錢唔貴質素又唔錯,所以我都幾經常去食嫁今次兩個人叫咗六樣野食,前菜甜品乜都有, 埋單都係每位200, 好抵呀.冰鎮醉黃油雞($76) – 一聽個名就知係冰冰凍凍，個汁其實好好味，但酒味如果再濃小小就更好啦！賣相都唔錯，雞切得好完整，一件件排得好靚。二人份量一人幾塊岩岩好，隻雞雖然唔係話超水準，食得出係冷鮮雞，但幾十蚊食到黎個質素算係好唔錯了！蟹粉撈麵($108) – 我認為呢個超水準呀, 好多蟹粉個汁好好味, 蟹味重之餘仲有鮮甜味, 個撈麵真係好好味! 蟹粉系列仲有其他選擇, 但只會係季節性供應，唔知其他係咪都係一樣咁好味呢?下次會再試蟹粉小籠包！紅油抄手($48) – 呢個我本人就覺得一般, 同係街邊食到既一樣, 唔太特別。一其有五隻，但每隻都幾大隻。而且個性同個抄手好似分開咁，好d似自己點汁食咁。同埋個涵好多肥豬肉。如果喜歡食抄手既朋友都可以一試, 唔係好貴，份量都算大，味道一般，唔係十分推介。醬燒茄子($63) – 呢個同我地平時食既魚香茄子差唔多, 好似冇左咸魚香味既魚香茄子咁。比較乾身同冇
今次兩個人叫咗六樣野食,前菜甜品乜都有, 埋單都係每位200, 好抵呀.
冰鎮醉黃油雞($76) – 一聽個名就知係冰冰凍凍，個汁其實好好味，但酒味如果再濃小小就更好啦！賣相都唔錯，雞切得好完整，一件件排得好靚。二人份量一人幾塊岩岩好，隻雞雖然唔係話超水準，食得出係冷鮮雞，但幾十蚊食到黎個質素算係好唔錯了！
蟹粉撈麵($108) – 我認為呢個超水準呀, 好多蟹粉個汁好好味, 蟹味重之餘仲有鮮甜味, 個撈麵真係好好味! 蟹粉系列仲有其他選擇, 但只會係季節性供應，唔知其他係咪都係一樣咁好味呢?下次會再試蟹粉小籠包！
紅油抄手($48) – 呢個我本人就覺得一般, 同係街邊食到既一樣, 唔太特別。一其有五隻，但每隻都幾大隻。而且個性同個抄手好似分開咁，好d似自己點汁食咁。同埋個涵好多肥豬肉。如果喜歡食抄手既朋友都可以一試, 唔係好貴，份量都算大，味道一般，唔係十分推介。
醬燒茄子($63) – 呢個同我地平時食既魚香茄子差唔多, 好似冇左咸魚香味既魚香茄子咁。比較乾身同冇咁油, 個味道都幾附合上海菜，重醬油味，亦都好味幾野味架，中意濃味朋友可以一試。
婆婆擔擔麵($50) – 呢個擔擔麵都係上海婆婆既主打, 50蚊一大碗兩個人share都好飽了, 我個人食擔擔麵好重視個湯，個湯係靈魂。佢個湯好重花生味，好有質感，唯一唔夠既係冇酸辣味，美中不足。同埋提醒大家，擔擔麵上左要即刻食，如果唔係，麵身會發漲同愈來愈「林」，影響成碗面口感！我次次都會叫，推介之一。
香蕉高力豆沙4件($48) – 最後上咗呢個上海甜品, 劃上一個完美既句號。外層係蛋白打到企身，再拎去炸，入面有紅豆蓉同埋香蕉，甜度岩岩好，好中意！但如果紅豆蓉多d會更好，而且店員知道要即叫即整即食先最好，所以會成日問我地上得未，好細心。可惜我地太飽啦, 打包左兩個返屋企.
坑口新餐廳既食物質素都保持到,環境仲唔錯tim, 下次一定會再黎！
張貼
