翡翠拉麵小籠包 (已搬遷) 新店位置

之前千色店減價，買左個煲當日未有現貨。前日收到電話得悉有得拎，所以又黎轉新港城。花先生都幾鐘意食上海野，見翡翠唔多人排隊，等左5分鐘左右就有位喇！酸辣湯係花先生至愛，花先生話好辣，但唔夠酸，如果酸辣比例再調較一下會更好。上海粗炒 - 一堆椰菜係面，偏油，夠味但無餸，係椰菜粗炒嗎？菜肉雲吞拉麵 - 有5隻雲吞，唔算大隻但都足料。個湯好清，拉麵好食，有咬口唔會淋哂。小籠包 - 等得最耐的一個餸，非常夠熱，皮薄多湯汁，$38有4隻幾抵食！連鎖餐廳來講，不過不失，無驚又無喜。坐得舒服，所以亦不失為一個好選擇。