上海小籠皇 (已結業)

呢間餐廳我地行過見到想食就入左去食,呢度有好多卡位坐,環境光鮮明亮既燈光,呢度有好多款上海小菜同上海碟頭飯之外仲有特色既係夜晚係會有川菜食,酸菜魚同辣既食物好多,我地食午餐就選擇左小籠包,即叫即蒸同埋叫左碗雲吞擔擔麵,呢碗麵既花生醬味好香濃,雲吞大大粒,好多涵既,仲有前菜必食既係爽口彈牙既魚皮,魚皮切成絲好有咬口既,青瓜都好清脆爽口,我地仲叫左個酸菜魚片,好多魚片,魚片軟熟易咬,飲品叫左一杯凍奶茶,奶茶都幾香滑既。