鳳城酒家 (干諾道西) (已結業)

身為cheap精一號嘅我又搵到抵食又好食嘅地方食蒸鍋！"上環鳳城酒家"呢間嘢都係本身主要都係食小菜，但係當我見到個4人份蒸鍋都係講緊5百零蚊除開一個人頭都係舊幾水左右就即刻開佢對門睇吓件事係點！經理極力推介呢個瑤柱粥底,講到唔食唔得咁~舊幾水食到龍蝦龍躉貴妃蚌元貝沙白,仲要樣樣都仲郁ing。絕對係符合我嘅要求！首先食咗隻龍蝦先~鮮味彈牙加埋我最鍾意嘅蒜蓉再嚟個貴妃蚌！食呢個最憎就係食到沙但係今次竟然係冇沙！可以叫得上驚喜再嚟就係元貝，蒸到啱啱好甜到忍唔住食埋人哋嗰隻龍躉都啖啖肉雖然唔係話好大粒，但係粒粒都冇沙又嘟嘟再另外叫佢個手打墨丸同蝦丸勁大粒之餘仲好鬼彈牙最後就係傳說中嘅不能錯過的粥底！又真係好鮮味....明明就飽到已經反晒白眼最後都忍唔住成個粥清晒。