影片
更多
2022-11-28
801 瀏覽
日の苑西日式外賣專門店 NINOEN Japanese Take-Away Shop📍上環皇后大道中346-348號金煌行地下C舖呢日同朋友去上環行下，行到攰但又無咩餐廳啱食，所以就上網有無咩好介紹。我哋喺OpenRice見到呢間專做日本嘢外賣嘅舖頭款式多、價錢又親民，所以就買咗唔同嘅嘢食當晚餐！因為始終係外賣，我哋唔敢叫魚生或刺身之類嚟食，所以今次叫嘅大部分都係熟食同炸物！ 💰$22軟殻蟹手卷 🦀平時嘅外賣手卷份量都偏細，但見到呢一個手卷就知佢好足料，軟殼蟹都俾得唔少，不過始終係外賣，放得耐咗都係會影響個蟹嘅口感，變得淋咗少少，但味道係好OK嘅！ 💰$35蟹籽沙律 🥗咁大兜蟹籽沙律都係$35 ，平到你唔信！除咗有蟹籽同埋青瓜絲，佢仲有一堆生菜墊底，另外仲有一堆蟹柳絲添，撈埋蛋黃沙律醬一齊食，清新得嚟又飽肚，性價比極高！ 💰$38火龍細卷 🍤🍣雖然個名叫細卷，但分量一啲都唔細！其實佢就好似卷咗炸蝦嘅加州卷，上面唧嘅鹹味蛋黃沙律醬真係畫龍點睛！一客火龍細卷足足有八嚿咁多，無論係當正餐食，定係一大班人share嚟食都好啱！ 💰$43滑蛋豬扒飯 🍱用得外賣盒裝，本身都對佢無咩期望，雖然佢外貌
📍上環皇后大道中346-348號金煌行地下C舖
呢日同朋友去上環行下，行到攰但又無咩餐廳啱食，所以就上網有無咩好介紹。我哋喺OpenRice見到呢間專做日本嘢外賣嘅舖頭款式多、價錢又親民，所以就買咗唔同嘅嘢食當晚餐！因為始終係外賣，我哋唔敢叫魚生或刺身之類嚟食，所以今次叫嘅大部分都係熟食同炸物！
[價錢 Price]
💰$22
軟殻蟹手卷 🦀
平時嘅外賣手卷份量都偏細，但見到呢一個手卷就知佢好足料，軟殼蟹都俾得唔少，不過始終係外賣，放得耐咗都係會影響個蟹嘅口感，變得淋咗少少，但味道係好OK嘅！
[價錢 Price]
💰$35
蟹籽沙律 🥗
咁大兜蟹籽沙律都係$35 ，平到你唔信！除咗有蟹籽同埋青瓜絲，佢仲有一堆生菜墊底，另外仲有一堆蟹柳絲添，撈埋蛋黃沙律醬一齊食，清新得嚟又飽肚，性價比極高！
[價錢 Price]
💰$38
火龍細卷 🍤🍣
雖然個名叫細卷，但分量一啲都唔細！其實佢就好似卷咗炸蝦嘅加州卷，上面唧嘅鹹味蛋黃沙律醬真係畫龍點睛！一客火龍細卷足足有八嚿咁多，無論係當正餐食，定係一大班人share嚟食都好啱！
[價錢 Price]
💰$43
滑蛋豬扒飯 🍱
用得外賣盒裝，本身都對佢無咩期望，雖然佢外貌睇落去唔係太吸引，但食落味道都同我喺日本食過嘅滑蛋豬扒飯好似！佢嘅滑蛋好足料，連埋洋蔥一齊炒，炸豬扒嘅份量都適中，略嫌炸漿有啲厚身，加埋個盒嘅倒汗水，令佢變得淋身，但如果只係講味道，佢係一個好食嘅滑蛋豬扒飯！而且佢個飯量好多， 40幾蚊就食到咁大盒飯，仲要水準唔差，算好唔話得！
[價錢 Price]
💰$20
紫薯甘栗餅 🍘
Fried Purple Potato & Chestnut Cake
同一般食開嘅日式可樂餅外型睇落去一樣，但內餡就比較特別，佢係由粉紫色嘅紫薯蓉做成，仲有啲細細粒嘅甘栗碎粒，食落好有新鮮感，甜而不膩。外脆內軟嘅口感好正，味道都係中中挺挺，未到超級好食！
張貼
