鋿晶館

營業中

休息中

放工約咗媽咪食晚飯，求其入咗呢間附近嘅酒樓食下晚飯小菜，點知又幾好食喎😆老爺子半肥不瘦蜜餞叉燒叉燒好淋，肉質鬆化，肥瘦剛好，燒得焦香，配上蜜汁保持濕潤，好香😋回疆大汗欖角醬燒骨炸得香口，外面脆裏面肉質鬆軟，唔會乾柴，欖角醬好惹味😍好似有啲甜甜地，唔會好咸，好開胃。香煎蓮藕餅蓮藕餅煎得金黃焦香，肉餅加入好多粒粒蓮藕，口感豐富，味道甘香，外表平實，但係好好味😋燒汁百花釀茄子豉汁好惹味，茄子好軟滑，夾住中間爽口嘅新鮮蝦膠，好好味送飯一流😋上湯厚豬潤浸莧菜豬膶切得好厚，啱晒我口味，豬潤整得好爽口👍🏻莧菜淋滑，吸晒湯汁入味。