影片
更多
2021-10-20
1765 瀏覽
上環一到食飯時間就人頭湧湧，好多餐廳都迫滿晒附近上班一族，見呢間位置偏僻少少嘅星馬菜餐廳無乜人就入去試下佢嘅lunch set，可以揀唔同款式嘅飯／麵，都係星馬菜常見嘅款式。炒粿條屬於濕炒嘅質感，粿條食落煙煙靱靱又幾過癮，鹹鹹香香，加上臘腸、蝦仁、芽菜、韭菜等配料，味道都唔錯👌🏻馬來叉燒乾撈麵叉燒份量都唔少，每件大大件，肉質唔柴，麵條屬於幼身款式，食到甜甜嘅醬油味，仲有好明顯嘅鹼水味，我自己就唔係好prefer有鹼水味。另外仲有大量嘅通菜同芽菜，不過草青味濃，比較一般。海南雞飯 呢款就唔係咁正宗亦都唔推薦，皆因個飯見到白色已經知道唔係雞油飯，雞肉上面有好多啫喱睇落好pro咁，不過雞肉幾乎無味咁滯，只食到雪藏味，應該只係急凍雞卷，唔掂喎😶😶🙈🙈香蘭蛋布丁聽聞呢個布丁係呢度嘅招牌，質感便實淨，偏向吉士布甸嘅質地，面頭嘅焦糖同下面嘅班蘭布甸味道唔多夾，有啲奇怪🤔不過分開食就好好多，下面嘅布丁班蘭味香濃，整走啲焦糖食嘅話就唔錯😂人均消費：$110推介指數（10分為滿分）：6分
炒粿條
屬於濕炒嘅質感，粿條食落煙煙靱靱又幾過癮，鹹鹹香香，加上臘腸、蝦仁、芽菜、韭菜等配料，味道都唔錯👌🏻
馬來叉燒乾撈麵
叉燒份量都唔少，每件大大件，肉質唔柴，麵條屬於幼身款式，食到甜甜嘅醬油味，仲有好明顯嘅鹼水味，我自己就唔係好prefer有鹼水味。另外仲有大量嘅通菜同芽菜，不過草青味濃，比較一般。
海南雞飯
呢款就唔係咁正宗亦都唔推薦，皆因個飯見到白色已經知道唔係雞油飯，雞肉上面有好多啫喱睇落好pro咁，不過雞肉幾乎無味咁滯，只食到雪藏味，應該只係急凍雞卷，唔掂喎😶😶🙈🙈
香蘭蛋布丁
聽聞呢個布丁係呢度嘅招牌，質感便實淨，偏向吉士布甸嘅質地，面頭嘅焦糖同下面嘅班蘭布甸味道唔多夾，有啲奇怪🤔不過分開食就好好多，下面嘅布丁班蘭味香濃，整走啲焦糖食嘅話就唔錯😂
人均消費：$110
推介指數（10分為滿分）：6分
張貼
