影片
更多
2023-09-17
33 瀏覽
平時打邊爐用的湯底通常都係沙嗲、麻辣或者芫茜皮蛋等等，但當聽到有間樓上火鍋店話用老火湯黎到做湯底，包括滋補花膠雞煲、天麻川芎白芷魚頭煲、黑蒜姬松茸脊骨煲等，真係顛覆左我由細到打對打邊爐的認知，咁我當然即係訂枱要試下啦!今次就介紹位於上環的樓上火鍋店叫湯煲私房火鍋，主打無味精老火湯底、自家食材，連醬料同飲品都係自家製，好有家的感覺。<滋補花膠雞煲>湯底揀左比較補身的花膠雞煲，一上枱店員就叫我地飲左湯同食左湯料先再打邊爐。湯料一望落去就好足料，包括有多好件雞同埋花膠仔，另外亦加左金華火腿、紅棗、桂圓同埋薑片等材料，所以一飲落去就已經感受到湯底的「內涵」。湯頭醇香可口，味道層次底蘊很深，果然滋味無比，基本上我地已經遺忘要打邊爐，只係不斷係度飲湯。<頂級本地手切騸牯牛>騸牯牛即係指將公牛閹割後令雌激素，因而做到油分比較平均但同時保留濃郁的牛味。店員提醒我地只要淥十秒就夠，果然十秒已經熟得黎仲保持嫩滑。同埋基本上唔洗點醬都夠晒原汁原味。<即炸嚮鈴及魚皮>呢度的嚮鈴及魚皮即叫即炸，嚮姈超香脆鬆化，咬一啖就完全feel到裏面的新鮮熱辣。魚皮充滿魚香味，
今次就介紹位於上環的樓上火鍋店叫湯煲私房火鍋，主打無味精老火湯底、自家食材，連醬料同飲品都係自家製，好有家的感覺。
<滋補花膠雞煲>
湯底揀左比較補身的花膠雞煲，一上枱店員就叫我地飲左湯同食左湯料先再打邊爐。湯料一望落去就好足料，包括有多好件雞同埋花膠仔，另外亦加左金華火腿、紅棗、桂圓同埋薑片等材料，所以一飲落去就已經感受到湯底的「內涵」。湯頭醇香可口，味道層次底蘊很深，果然滋味無比，基本上我地已經遺忘要打邊爐，只係不斷係度飲湯。
<頂級本地手切騸牯牛>
騸牯牛即係指將公牛閹割後令雌激素，因而做到油分比較平均但同時保留濃郁的牛味。店員提醒我地只要淥十秒就夠，果然十秒已經熟得黎仲保持嫩滑。同埋基本上唔洗點醬都夠晒原汁原味。
<即炸嚮鈴及魚皮>
呢度的嚮鈴及魚皮即叫即炸，嚮姈超香脆鬆化，咬一啖就完全feel到裏面的新鮮熱辣。魚皮充滿魚香味，好似薯片咁，令到你不斷想食的感覺。同埋店員唔建議你放入湯底，而係當小食咁享用。
<自家製蝦丸>
平時有好多火鍋店都講自家手打丸，但其實除左手打外，肉丸用料質素都好重要。湯煲的蝦丸真心有驚喜，首先蝦丸有六大粒，Size大過乒乓波，平時已經可以變成12粒。而食落去好彈牙，基本上食到原隻蝦肉出黎，證明係足料無加粉或肥羔去做手打丸。
<手工特色餃子>
今次叫左呢度最Signature的川色麻辣牛肉餃同埋味噌大根黑豚餃，各有特色。麻辣牛肉花椒味重，牛肉餡有餣過，唔食得辣的朋友都接受到個辣味。
<蝦皇醬>
打邊爐點少得醬料，除左平時見到的醬料外，仲有呢度特色的蝦皇醬，材料用蝦米、蝦膏、蝦頭、蝦籽等爆炒，另外無溝其他食材，全部都真材實料。食落去蝦味好香濃，餘韻仲留係口腔，少少辣但唔會蓋過鹹香的鮮味。
整體黎講，湯煲可以話係其中一個最有特色及最有家的味道火鍋店。有別於連鎖店，好多食材都係當天新鮮製造，同埋係自家製，加上老火湯真係無得輸。順帶一提係呢度消費夠$1000就可以免開瓶費，下次可以搵埋三五知己一路打邊爐，一路暢飲吹下水。
店舖: 湯煲私房火鍋
地址: 上環永樂街1-3號世瑛大廈4樓401室
張貼
