Luna Cafe (已結業)

依間餐廳係上環開左間分店，一去到門口就見到大大嘅玻璃甜品櫃，入面放滿哂之前同大家介紹過嘅芝士蛋糕🍰 店鋪唔算大，但環境佈置都幾花心機，中間有張六人枱，枱上面放左啲乾花🌹，適合約埋朋友傾下計👭-今次試左抹茶芝士忌廉脆條 ($30/1)，外層嘅脆皮泡芺暖暖哋，好鬆脆，上面有杏仁粒增加口感。入面嘅忌廉抹茶芝士係凍嘅，好軟滑而且幾濃芝士味🧀 食落外脆內軟，食哂成條都有啲飽！中環依間分店都主打沙律同鹹食。牛油果蟹柳水芹沙律配特製蜂蜜芥末蛋黃醬 ($58) 🥑 切到一粒粒，有返啲咬口，而醬汁都調較得幾好，甜甜哋😋 而德國香腸意粉配luna三重芝士醬 ($98) 係上環分店先有得食，香腸好夠鹹香，而個自家製芝士醬係極度濃郁🤤，入面仲食到少少芝士粒，鐘意芝士嘅朋友就唔好錯過喇！🧀