大喜茶檔

營業中

休息中

以前喺上環返工，誤打誤撞喺荷李活中心隔離揾到呢間茶檔，之後嗰幾個月周不時都會過嚟食。早排經過荷李活中心，見到商場已經裝修完，G樓開咗間新嘅cafe，叫elephant grounds，印象中記得同事話幾好飲，2樓都好似開咗間食燒肉嘅，可以遲啲試下。入返正題，既然咁耐冇嚟，就去大喜食埋飯先走啦。大喜選擇都唔少，不過我今次想食佢個梅菜扣肉飯，另有跟餐仲會送碗老火例湯。我鍾意大喜嘅梅菜扣肉主要有兩個原因。第一係佢個梅菜咸甜適中，味道啱啱好，岀面好多茶記都未必搞得掂。第二係佢有好多梅菜，對於我呢啲鍾意撈汁食飯嘅人簡直係極品。例湯係粉葛湯，普通葛湯咁味。餐飲一如往常都係凍檸茶。如果你喺上環返工想食啲平靚正嘅嘢，我會推薦你試試大喜茶檔。