Sabor Spanish Touch Private Kitchen

營業中

休息中

今日去咗公司附近一間隱世西班牙私房菜，佢可以tailor made menu同食品，同埋會細心check你唔食啲咩。今晚大約每人$500-600✨大廈門口係內街，一入到去雖然唔係好大但個環境好cozy同decent，仲免開瓶費，最啱一班人包場慶祝🎉🍞麵包配tomato salsa一坐低就會俾自家製嘅橄欖，外脆內軟麵包配一個有好清新蕃茄味嘅tomato salsa作為開始。🌿炒墨魚伴番茜Parsley Garlic sauce墨魚炒到好香，口感彈牙唔靭。個醬係亮點！少少番茜配濃烈嘅蒜頭油，會有少少辣，超級惹味。🦐蒜片橄欖油蝦配麵包上菜時橄欖油仲係滾㗎，配麵包食好似西式蝦多士。蝦肉彈牙鮮味。🥚Soft boiled egg大啡菇一切開隻蛋就流心，配上醬汁同juicy到爆嘅大啡菇啱啱好。🍖西班牙乳豬皮脆肉嫩，仲要皮下有層薄薄嘅肥膏，好邪惡。下面仲有薯仔吸咗乳豬嘅油脂香。⭐️Tiramisu + 自家製黑芝麻雪糕Tiramisu下面唔係手指餅係自己整嘅蛋糕。自家製黑芝麻雪糕超級濃郁，每一啖都食到黑芝麻。🍓士多啤梨蛋白糕記得呢個一定要士多啤梨同埋蛋白糕一齊食，咁樣酸甜度先啱啱平衡到。