影片
更多
2020-12-02
459 瀏覽
一次工作嘅關係，去到太平山街一帶，發現呢區嘅寧靜，沿路嘅唐樓、建築物未因為時代發展而清拆，仍帶有舊日香港嘅氣息。週末同朋友再臨呢區，影下相，扮下文青 🤓到咗黃昏，朋友們開始因為肚餓而唔出聲之際，大家被普慶坊盡頭「我愛慢煮」嘅燈光吸引住 ✨ 「慢煮」聽就聽得多，究竟慢煮同快煮有咩分別呢 😂 一於拉朋友入去試吓餐廳主打慢煮菜式，其實其他選擇亦唔少，有side dish、甜品。價錢相當貼地，大部分side dish都係$28，甜品$30，最啱叫多幾個品種同朋友share 😌 而飲品方面，有手工啤、mocktails、梳打呢啲特別嘅選擇。Order嘅模式類似快餐店，揀好食咩後，就可以去收銀處落單俾錢，調味品、餐具、水都係以自助形式。Help yourself!=========================US安格斯頂級西冷牛扒（小）$148牛扒面頭焦香，放上一根rosemary。同平時 pan-seared 牛扒有咩分別呢，試一啖先。Boom! 🤯 牛味濃郁，相信就係慢煮嘅方法鎖住肉汁，令肉質唔乾，帶有少許咬口，亦帶微微牛油香氣。一人份岩岩好，不過我地唔夠喉，立刻encore! 牛扒
到咗黃昏，朋友們開始因為肚餓而唔出聲之際，大家被普慶坊盡頭「我愛慢煮」嘅燈光吸引住 ✨ 「慢煮」聽就聽得多，究竟慢煮同快煮有咩分別呢 😂 一於拉朋友入去試吓
餐廳主打慢煮菜式，其實其他選擇亦唔少，有side dish、甜品。價錢相當貼地，大部分side dish都係$28，甜品$30，最啱叫多幾個品種同朋友share 😌 而飲品方面，有手工啤、mocktails、梳打呢啲特別嘅選擇。
Order嘅模式類似快餐店，揀好食咩後，就可以去收銀處落單俾錢，調味品、餐具、水都係以自助形式。Help yourself!
=========================
US安格斯頂級西冷牛扒（小）$148
牛扒面頭焦香，放上一根rosemary。同平時 pan-seared 牛扒有咩分別呢，試一啖先。Boom! 🤯 牛味濃郁，相信就係慢煮嘅方法鎖住肉汁，令肉質唔乾，帶有少許咬口，亦帶微微牛油香氣。一人份岩岩好，不過我地唔夠喉，立刻encore! 牛扒有肉味，呢句好似好廢，不過其實係一種奢侈，好多餐廳嘅牛扒都搵唔到架~
炸蕃薯條 $28
蕃薯條幼身，熱辣辣、脆卜卜，尖尖位亦唔會太燶（有啲餐廳燶到半條唔食得㗎😅 ）
芝士忌廉菠菜苗 $28
菠菜苗配上芝士忌廉簡直perfect match! 平時菠菜吃落會有少少澀味同「嚡口」，攬拌一下芝士混合埋菠菜就完全食唔出澀味～
8小時蜜糖香草烤雞鎚四隻 $88
雞鎚大大件，面頭掃上蜜糖，淡淡嘅香草味，肉質juicy軟滑
芝士溫泉蛋大啡菇 $28
芝士溫泉蛋大啡菇
$28
28 瀏覽
0 讚好
0 留言
溫泉蛋同菇，究竟點解夾埋一齊呢 🤔 原來係蛋放喺大啡菇上烤焗，再鋪滿芝士燒香，切開一半，嘩～蛋流湧出，係流心㗎 😍 蛋汁唔腥（好怕生蛋腥味嘅我 🙈 ），大啡菇肉厚，濃郁嘅菇汁咀嚼時流出，菇菇亦唔會有草青味，正 👍 烤焗大啡菇嘅同時，唔會令蛋過熟，時間火候都要配合得好 👍
比利時琥珀啤 $42
啤酒味清，帶微微焦糖味，啱晒怕酒味嘅朋友
西西利香水檸檬碳酸飲品 $26
本身以為係餐廳既特色mocktail，原來係行懷舊風既玻璃樽裝飲品。飲落檸檬酸味輕身，易入口，較甜 🐜
「我愛慢煮」隱藏喺小巷之中，喺尋覓餐廳嘅過程有著離開鬧市嘅感覺，每道菜式都食得出廚師嘅心思，抵讚 👍 餐廳裝修走工業風，輕鬆laid back，冇侷促感，價錢貼地，情侶約會或朋友聚會都咁啱 🙌🏻
=========================
我愛慢煮 (普慶坊)
📍 上環普慶坊18號地下G2號舖
張貼
