俊軒越南餐廳

營業中

休息中

平時好少去上環食飯，咁岩約咗個係上環翻工嘅朋友收工食飯，聽佢講平時lunch hour好多人幫襯; 入到餐廳，見到只係得兩三張檯，就以為好細，點知原來樓上仲有檯。呢間鋪頭雖然位於巷仔入面，但其實好近地鐵站，位置都幾方便，值得一讚嘅係呢間餐廳嘅老細同店員都好熱情，服務非常有禮。 🦀️蕃茄蟹肉湯檬呢個湯檬配料非常豐富，有蟹肉、蟹肉餅、札肉、鮮蝦，佢嘅蟹肉餅非常特別，混合左豬肉同蟹，味道有層次，而湯底味道非常濃郁，好重蕃茄同蟹味，飲完仲要唔會口渴。🐖 香茅炒豬肉片撈檬天氣悶熱最岩就係食撈檬，呢間份量非常多，檬粉配上酸酸甜甜嘅醬汁，好開胃，而豬肉片亦都好腍，同時好重香茅味。🥗 青木瓜蝦沙律呢份沙律非常推介大家試下，份量非常多之餘，木瓜絲好爽口，味道酸酸辣辣，非常開胃，最鐘意啲木瓜絲切到比較幼身，同時又好入味。 🐄牛肉濱海呢個越南菜式第一次食，轉登叫黎試下，「濱海」其實就係蒸軟後乾上嘅米粉，個樣好有趣，就好似蜘蛛網咁，上面鋪左香茅烤牛肉片，令到味道唔會咁清淡，最後連埋生菜包住一齊食。🍤鮮蝦米紙卷米紙卷味道清新，同時又好健康，煙韌嘅米紙包住爽脆嘅生菜同青瓜，再加埋新鮮既鮮蝦，開頭以為會好dry，但原