鋿晶館

營業中

休息中

今日同朋友去咗上環一間好有歷史感既傳統酒樓，嗰啲裝修係好典型嘅老式茶樓風格，雖然冇咩花巧，但感覺好懷舊，充滿人情味。食物方面，點咗幾道小菜，整體嚟講都幾滿意👍🏻龍躉海皇羹龍躉海皇羹係晚餐嘅開頭湯品，呢道羹湯煮得幾有心思，湯底夠濃稠但又唔會太膩，海鮮嘅鮮味好豐富。龍躉魚肉質好滑，鮮甜，仲有啲蝦肉、蟹肉，成個羹湯好鮮甜，飲完暖身又滿足，真係一個好好嘅開場😋瑤柱扒豆腐呢道瑤柱扒豆腐賣相唔錯，豆腐煎到外皮微脆，內裡就好滑溜，咬落口感非常嫩滑。瑤柱嘅鮮味滲入豆腐入面，成個味道好清香，唔會過鹹，簡單但有層次👍🏻黑椒大蝦粉絲煲黑椒大蝦粉絲煲一上枱，嗰陣黑椒香就衝鼻而來。大蝦好新鮮，肉質彈牙，煮得啱啱好，唔會過火。粉絲吸曬啲蝦汁同黑椒汁，濃味但又唔會太油膩。黑椒嘅辣同蝦嘅鮮味配合得幾好，呢煲粉絲真係好惹味豉油皇鮑魚豉油皇鮑魚呢道菜真係幾有驚喜，啲鮑魚煮得夠嫩，唔會乾柴。豉油皇嗰個汁調得好好，鹹中帶甜，唔會太濃，剛剛好夠味，仲能夠突顯鮑魚嘅鮮甜😍京都骨京都骨呢道菜係好多酒樓嘅經典菜式，呢間酒樓做得相當唔錯。排骨炸得外脆內嫩，酸酸甜甜嘅醬汁均勻咁包住每塊排骨，食落非常開胃。嗰種酸甜味真係好好夾，係唔會太膩