Green Orange

難得朋友約我去食飯，同介紹我去這間店舖食西餐，間餐廳係上環站附近，都算方便。之後上去邊睇餐牌邊等朋友黎，室內環境氣氛唔錯，假如同情侶來都好有氣氛。【Yuzu Domine Canton】由柚子、Rum 酒調配而成，柚子果香清甜，酒味不算太濃，整體非常適合女士們飲用。【前菜餐包：芝麻包/蜜糖包】芝麻味出眾，蜜糖味夠香微甜，兩者包質感超軟。【燒北海道帶子藜麥沙律伴柚子橙香醋汁】第一次食這款沙律，有新鮮香橙同柚子片，勁清新，帶點生果味的醬汁，再配埋燒得剛剛好的帶子，這個值得推介。【牛肝菌雜菌忌廉湯】這個湯好濃郁，入口順滑，帶點香濃牛肝菌味道，真是真材實料。【西班牙紅蝦海鮮濃汁闊條麵】紅蝦頭非常多膏又夠濃郁，海鮮濃汁都帶點紅蝦的鮮甜味，海鮮濃汁掛上闊條麵，每條麵都有掛上紅蝦的鮮味，味道一流。【榛子朱古力蛋糕】一來到，在碟上畫了好靚既圖案。榛子Mousse夾著朱古力蛋糕，榛子味濃，再配埋雲尼拿雪糕，絕配。