燉 (協成行灣仔中心) (已結業)

今日放lunch約咗朋友 一齊食，佢話公司附近開咗間燉湯店，系食lunch新選擇。呢度位置幾方便，喺電車路好容易搵到。聽講餐廳係新開張，所以環境唔錯，坐位多，空間感足夠，坐得舒服。價錢亦算大眾化，魚肚滑雞蒸飯先29蚊，配埋個湯可以平八元。我揀咗蘋果雪梨雪耳燉豬肉，因為天氣乾燥，皮膚都好好乾，有時仲流鼻血，所以就嗌個湯潤一潤。朋友就叫咗猴頭菇螺片燉瘦肉，大家一齊分享試下味。我個湯幾清甜，濃郁蘋果味同雪梨味，仲有好多雪耳我都食埋，配飯食好夠飽，喺附近上班一族嘅健康選擇.