鳳城酒家

營業中

休息中

之前鳳城上環總店結業，好多粉絲都覺得可惜，特別掛住佢地招牌炸子雞、炒桂魚卷、西米焗布甸等既順德菜。最近於上環搵到地方重新開業，帶來順德味道。新店驚喜在於設有吧枱，除咗嘆順德菜，仲可以睇下波，飲番兩杯。另外仲有Vip房，岩晒聚會。餐牌上依然搵到傳統順德菜。窩貼大明蝦大明蝦鮮甜爽滑，多士酥脆可口，跟沙律醬絕配，其他蝦多士無得比。招牌炸子雞即叫即炸，以淋油炸成，皮脆而雞肉嫰滑。菠蘿咕嚕肉有別於一般咕嚕肉，以蘸醬方式食用，為傳統的菜式帶來新鮮感。菠蘿醬汁酸甜有味，巨型咕嚕肉非常吸引。手作桂魚卷呢個手工菜真係買少見少，將桂魚骨肉分離，切成魚片去包住金華腿絲和松子仁，對刀工絕對有要求。鮮嫩魚肉又食到咸香，口感亦豐富。生菜片鵪鶉鬆中式生菜包，用料豐富，炒得香，比一般食到的豬肉碎更好食。大良炒鮮奶炒得雪白嫩滑，入口奶香醇厚。蓮蓉西米布甸金黃色澤，入口綿滑，有奶香，最重要唔會太甜。