Green Orange

星期四返工時候想食好啲，去咗上環嘅Green Orange食午餐。呢間餐廳環境舒適，靜靜地啱啱好，仲可以同同事吹水，放鬆下。佢哋嘅午市套餐有餐湯、沙律、蒜蓉包、主菜同飲品。先嚟南瓜忌廉湯，夠曬creamy，而且南瓜味濃，味道唔錯。沙律有車厘茄，仲落咗橄欖油，幾清新。蒜蓉包好香，牛油味十足。主菜方面，朋友叫咗慢煮北海道帶子配芝士檸檬忌廉汁意大利飯，帶子同雜菌都偏厚身，好似意大利飯咁吸埋啲忌廉汁，真係好好食。我叫咗香煎盲曹柳伴君度橙酒沙巴翁，盲曹魚肉結實，魚皮煎得啱啱好，夠香口，配埋香橙、橙酒同沙巴翁醬，味道甜甜地，口感新鮮，炎炎嘅夏天食非常好。