Green Orange

偶爾都想食西餐，搵到呢間喺上環嘅商業大廈樓上舖，好有氣氛，又方便傾計，食物質素都唔錯。 黑松露蟹肉多士香脆嘅多士上面放上黑松露蟹肉，香氣突出，味道清新。 烤蜜糖啤梨伴巴馬火腿沙律特別欣賞個啤梨裹完蜜糖之後有烤焗過，令味道唔會死甜而有少少烤過嘅香味。 日本炸蠔伴南瓜忌廉汁意大利飯吉列蠔好飽滿，南瓜帶淡淡嘅甜味，煮得好諗，加埋忌廉汁意大利飯香滑煙韌。 10oz美國頂級西冷牛扒牛扒點咗五成熟，外皮焦香，肉質有彈性。西冷嚟講脂肪都唔少，油香重。 焙茶焦糖燉蛋燉蛋極重焙茶味，特有嘅深度烘焙味好甘香。 Tiramisu 餅底酒味重而夠乾身，口感棉密軟滑。