松山素食 (已結業)

呢間係同事介紹我嘅，佢係咁話呢間好抵，問我有冇興趣試，我對素食唔抗拒，就即管試下。同事預先打電話講低要咩餸同幾點去拎，到拎時再比錢即可。佢地每日都會喺FB同IG PO 6至7款餸比你揀，我叫左個三餸飯，$33，兩餸飯就$30，呢個價錢仲要有碗例湯，喺中上環呢啲地方真係難能可貴🥺不過堂食就貴十零蚊左右，咁梗係買外賣啦。內容物有蕃茄炒蛋、薯仔炆冬菇、薑汁炒芥蘭加白飯(可以走飯)，同埋青紅蘿蔔粟米湯，餸同湯料比得好足，所有食物你係食得出係新鮮同無落味精，尤其係個湯，清甜到不得了唔好望個餐盒好似細細個，食完都好飽肚。總結呢餐啲食物非常對得起佢嘅價錢，即使唔係糧尾都絕對會再幫襯。