煮道 (已結業)

每位店員都好有耐心，為我哋講解每一個鍋嘅特色，材料出處，務求令客人選擇最鐘意嘅鍋。星級精選鍋配安格斯牛(南瓜湯)金黃色嘅南瓜湯，香醇濃郁，微甜適合大部分人。由於加咗咸蛋黃，湯底有種沙濡嘅感覺。安格斯牛肉質幼嫩，肥瘦平均，由於較薄身，煮一陣就要食，咁先食到佢嘅鮮嫩。除咗牛肉，其他配料都好豐富，有雲耳，粟米，豆腐，金菇等等，令南瓜湯更鮮甜。環球海鮮鍋(麻辣湯)麻辣香而濃，唔算太辣，但麻得過隱。海鮮豐富，有廣島蠔，大虎蝦，青口，帶子，而且無任何雪味同腥味。其他配料都上面差唔多。青檸梳打透心良嘅消暑飲品，微甜嘅碳酸令人清爽。奶茶比較重茶味，如果你係偏好茶味，值得一試。