蘭芳園 (已結業)

見咁耐冇嚟蘭芳園，有哟掛住呢度嘅燒味，今日一於再同同事嚟食先！入到嚟，我都唔洗點諗食啲咩，一定係食佢出名嘅燒腩仔。上次就試咗燒腩仔瀨粉， 今次一於試下佢嘅撈麵先。食物：叫左碗肥叉燒腩仔撈麵，嚟到見撈麵份量比想像中細，但係燒味嘅份量又出奇地多，不過其實食到最後都夠哂飽。入返正題，呢度啲燒腩睇過賣相就知正，啱哂我，外皮夠脆 ，而且肉質又夠肥，食落啲油香正到呢！ 不過除咗燒腩仔，呢度嘅肥叉亦都唔錯，首先真係夠曬肥，但肥得嚟肉質又鮮嫩，茶記嚟講真係超曬班！