築間幸福鍋物

好肚餓真係唔好去食。首先無熟食可以拎，嘢飲都係要落單先有。每七分鐘先可以落一次單，每次亦會有限叫。第一輪叫咗肉，等肉等咗半個鐘先到，侍應嘅回覆係肉係現刨嘅，太多單刨唔切。自助嘅嘢食以菜為主，丸類唔多，有限時但啲嘢又上得慢…..成餐就係等待之中渡過。平時食邊爐放題差唔多45分鐘都已經飽，今日好似等咗45分鐘先開始有打邊爐嘅感覺。間舖夠大，都坐得幾滿，但人手預唔夠，坐角落頭基本上自生自滅咁，想叫侍應加個湯佢轉個頭都唔記得咗。