明星海鮮舫 (已結業)

家庭聚會,阿姨話呢度點心多又抵食,所以就黎呢度飲茶。見到門口好多人,仲以為要等好耐,點知一問就有位,仲快過平時去其他酒樓。幸運地坐到窗邊位,雖然出面落雨,但都幾好view,正!!叫左好多野:最深刻係流沙包、燒鵝瀨粉、蝦腸、燒腩仔。流沙包好流沙,好香好熱,不愧為著名點心,唔錯;燒鵝瀨粉抵食,十幾蚊大大碗,皮脆肉香,一碗都飽左大半;蝦腸:入面既蝦好爽好大,再黎要double上;燒腩仔脆卜卜,件件五花腩,好靚仔,阿姨話仲好過平時..其餘都不過不失,以呢個價錢就真係幾抵lu,有機會會返炒。侍應姐姐個個都好nice,又講得笑!仲可以雙語對答,真好玩。