影片
更多
2024-07-31
4848 瀏覽
出面排隊等左十分鐘，13分入座，但坐低仲要等超過半個鐘、59分先黎齊餸同米線。過程仲要有上錯餸、嗌牛肉變雞肉。地方唔大、得圓大枱為主、要同其他人搭檯。個員工先將一碟兩舊炸腐皮卷直接放起我地面前，之後再比左一碟兩舊炸腐皮卷+3舊炸鯪魚球我地，全程都係直接放檯無問過我地。食到中途，個老闆娘過來當住成檯人面前、態度極不友善咁質問我地嗌左咩，我同佢講有嗌腐皮卷同鯪魚球，跟住佢問點解會有多一份。當時我地淨係食左第一碟腐皮卷、食剩一舊；另一碟既腐皮卷我地掂都無掂。想講第一次食、客人係唔會知你啲餸有幾多，60幾蚊米線，但原來炸餸得2舊。自己員工擺錯位，變左係客人責任同問題咁。我地唔知比咩反應個老闆娘，佢一直企起到望住我地一定要我地回應。好啦當我地話：「其實我地未食，你可以拎走佢」，佢話唔洗無收走碟野，再無視我地直接同隔離位講依家幫佢地炸返，好似我地突登食埋隔離檯客野咁。想講成件事客人都係好被動，本身亦都唔知隔離人地點左咩(因為入座前已經落單)。做老闆唔係檢討吓點解員工做野咁混亂，而係起到當眾令到個客難受。最後剩返果碟腐皮卷我地係無食到、而我碗米線食到一半都無心情食落去。臨走出到舖頭，忍唔住同個老闆娘
地方唔大、得圓大枱為主、要同其他人搭檯。
個員工先將一碟兩舊炸腐皮卷直接放起我地面前，之後再比左一碟兩舊炸腐皮卷+3舊炸鯪魚球我地，全程都係直接放檯無問過我地。
食到中途，個老闆娘過來當住成檯人面前、態度極不友善咁質問我地嗌左咩，我同佢講有嗌腐皮卷同鯪魚球，跟住佢問點解會有多一份。
當時我地淨係食左第一碟腐皮卷、食剩一舊；另一碟既腐皮卷我地掂都無掂。想講第一次食、客人係唔會知你啲餸有幾多，60幾蚊米線，但原來炸餸得2舊。
自己員工擺錯位，變左係客人責任同問題咁。我地唔知比咩反應個老闆娘，佢一直企起到望住我地一定要我地回應。好啦當我地話：「其實我地未食，你可以拎走佢」，佢話唔洗無收走碟野，再無視我地直接同隔離位講依家幫佢地炸返，好似我地突登食埋隔離檯客野咁。
想講成件事客人都係好被動，本身亦都唔知隔離人地點左咩(因為入座前已經落單)。
做老闆唔係檢討吓點解員工做野咁混亂，而係起到當眾令到個客難受。
最後剩返果碟腐皮卷我地係無食到、而我碗米線食到一半都無心情食落去。
臨走出到舖頭，忍唔住同個老闆娘講、其實你咁樣做法真係好差，可以唔洗咁，跟住佢話「其實我都無講啲咩」。
睇返食評先知原來依家服務態度差都係出哂名，有其他食客2024年6月先有相同經歷。
依個價錢可以有更好既選擇。
出餐好慢、地方又窄、用餐環境又差、如果想貼錢食餐飯受氣可以黎體驗下。
333 瀏覽
1 讚好
0 留言
張貼
