深宵食堂 (已結業)

聽朋友說深宵食堂質數高，一直想去試試，終於約到閨蜜，就近近地去尖沙咀店， 這裡還有室內及戶外座，晚上七時多，室內已很爆滿，客人還陸續有來啊﹗有炸物、燒物、主食、小食、沙律、一品料理， 都幾多選擇。　銀雪魚棒， 一時看錯了，以為是燒銀雪魚，原來是一條條銀雪魚棒的小食， 烘得既薄又脆， 蠻香口。吉列大蝦，色澤金黃不油膩， 脆漿既薄又鬆化，大蝦依然爽嫩。必食的， 有芝士蟹肉玉子燒 ， 厚身玉子好軟熟， 中間夾雜著蟹肉與半溶芝士，切開時，流出芝士的同時，亦滲出微微的水份， 玉子碰上芝士，頓時蟹肉被比下去了。每次食串燒，我都會點的豚肉蘆筍卷，新鮮蘆筍嫩綠爽脆， 豚肉原本好夠咸， 卷著蘆筍吃，味道就剛好了。另一款常點的， 是煙肉荔枝卷，煙肉夠香口又不乾硬， 與爽甜荔枝的甜酸最夾。川式茄子， 劏開茄上，放滿像孜然粉的調味與花生粒， 比較像新彊風味， 茄子不會過腍，軟硬度剛好， 還可夾得起!冰燒菠蘿 ， 就是雪凍的燒菠蘿， 比起單純的燒菠蘿， 這個會更甜更挺身， 不過，牙齒會有點酸軟。最後，來杯蜂蜜柚子潤一潤喉， 不過略甜了一點。