燒肉ONE

營業中

休息中

今日過嚟行銅鑼灣Sogo，血拼完之後就緊係搵野食。行去世貿嘅時候就聽到個職員好大聲話下午茶半價食燒肉，就過去望一望，發現真係好抵，果啲套餐都有半價！果時未夠2點半，個職員話可以入去坐住等，入面都好多枱，中間仲有張大枱，係一人一爐好方便，其他卡位就二人一爐。餐廳係用QR code落單唔收加一，餐廳好清晰選擇又多，份量唔夠仲可以加肉，全部都半價！枱上面勁多調味料，起碼10支以上，自己隨便揀一款中意嘅就得。。落完單好快有得食！豬肉+雞肉嘅套餐套餐已經包括飯，沙律，肉嘅份量都好多，呢個set有豬五花，豬頸肉,雞，以下午茶嚟講真係又飽又抵食！ 牛牛套餐呢個有牛板腱，牛胸腹，牛舌，份量多到，牛舌都要分開上🤣真係平靚正！個網燒抽風好好，不停吸走啲煙，所以燒肉完都唔會有油煙味。仲有個網燒唔會癡住，好快就燒熟，沾上醬，好味🤤我地仲加左份牛小排，厚啲，肉質好嫩，入口有油脂，大口食肉好爽！海鮮三皇扇貝，大虎蝦，甲羅燒。每次燒肉都會好想食甲羅燒所以點左一份拼盤試下。。大推！估唔到海鮮都咁好食。扇貝好大粒，燒一陣就熟㗎啦，鮮甜美味。。甲羅燒蟹膏勁大份一啲都唔咸，入面仲有蟹肉，加一啖飯落去食，超正！虎蝦真係必食！