INSANE (已結業)

星期一同老公放最後一日婚假，一齊去coffee shop嘆個下午茶。店舖細細，座位唔多。牛角包x窩夫加$5要芝士&煙肉，煙肉粒好脆口，加埋芝士，充滿鹹香味，唔錯。窩夫Topping揀左楓糖漿，窩夫外脆內軟，充滿蛋香味，作為下午茶好適合，份量適中。焦糖雞蛋布甸蛋糕賣相幾靚，焦糖雞蛋布甸口感介乎綿滑同彈牙之間，蛋糕體係海綿蛋糕，配埋一齊食都唔會違和，類似布丁燒既變奏版。Dirty係熱既espresso加到凍冰冰既牛奶入面，咖啡配下午茶就最岩啦。