幸福鍋 (已結業)

下午經過西灣河太安樓地下嘅幸福鍋，有下午茶時間嘅Menu，和朋友入去試吓一人火鍋，佢讚口不絕。👍🏻👍🏻👍🏻叫咗傳統嘅牛肉麵同埋滷肉飯。牛肉麵有鹹酸菜同埋又淋又好食嘅牛腩，麵質彈牙。滷肉飯有半隻滷水蛋，滷肉飯嘅醬油好味道，一次過滿足晒食麵同埋飯的慾望。😋😋😋外籍朋友好欣賞台式香濃沙茶鍋，裏面有肥牛、玉米、冬菇、娃娃菜、米血糕、花枝丸肉丸枝竹等等。鍋底嘅沙茶醬非常香濃好味，加埋薯粉同埋粉絲一齊食，飽肚又好味。幸福鍋嘅飲品夜市鳳梨🍍水果茶非常推薦，唔太甜，自家的芋泥鮮奶可以叫少甜， 芋泥又多又粉👏🏻👏🏻紅豆仙草珍珠三色芋圓係我最鍾意食嘅甜品，裏面大大粒嘅珍珠，煙煙韌韌，又有仙草，甜甜嘅大大粒嘅紅豆，仲有啲奶白色椰子味香濃嘅啫喱，食落去甜味適中。下午茶時間嘅食物又便宜又好食，真係唔錯嘅選擇，唔怪得知坐滿晒人。