影片
更多
2021-07-09
472 瀏覽
平時食元氣，最鍾意5:30前幾分鐘到舖頭，然後當晚餐食，因為咁樣食係「最抵食」既。我同朋友要左2個「午後之選」，一個$50、一個$62。點解話佢抵食? 因為如果散叫一定無咁平，又多款，份量就夠，完全係當晚飯咁食。可能時間仲早唔係好多人，所有的食物都好快來到，多到張枱唔係咁擺到，如果可以唔好咁急咁多食物出哂，會食得無咁緊張。我朋友其實唔係好食生野，佢叫左下面呢個餐($50):所有壽司都係全熟的，而另外仲有包括一個烏冬同埋南瓜餅。呢2個好可惜無影到相，烏冬正正常常啦，南瓜餅就好好食，甜甜地，個炸漿亦唔錯，而且來到個時好熱，應該係即炸。壽司方面，講真食物賣相擺盆真係好「求其」，食物展示同上面張相差好遠下。但諗深一層，我都係為左便宜和同個friend傾下計先來食，咁賣相就真係唔係我地睇重的地方。壽司的味道，我個朋友話正正常常啦，無話好、又唔係差。佢最鍾意食饅魚，個汁甜甜地。以下呢個就係我個餐($62)，包括的食物亦較多:小食方面，我就叫左薯條，薯條好好好好食，係即炸，好香、食落去係會燙親個口的，要小心啲食。唯一批評係個醬，係沙律醬，唔襯個薯條，我情願要普通蕃茄醬。仲有個章魚小丸子，又係唔記得影
我同朋友要左2個「午後之選」，一個$50、一個$62。點解話佢抵食? 因為如果散叫一定無咁平，又多款，份量就夠，完全係當晚飯咁食。
可能時間仲早唔係好多人，所有的食物都好快來到，多到張枱唔係咁擺到，如果可以唔好咁急咁多食物出哂，會食得無咁緊張。
我朋友其實唔係好食生野，佢叫左下面呢個餐($50):
所有壽司都係全熟的，而另外仲有包括一個烏冬同埋南瓜餅。呢2個好可惜無影到相，烏冬正正常常啦，南瓜餅就好好食，甜甜地，個炸漿亦唔錯，而且來到個時好熱，應該係即炸。
壽司方面，講真食物賣相擺盆真係好「求其」，食物展示同上面張相差好遠下。但諗深一層，我都係為左便宜和同個friend傾下計先來食，咁賣相就真係唔係我地睇重的地方。壽司的味道，我個朋友話正正常常啦，無話好、又唔係差。佢最鍾意食饅魚，個汁甜甜地。
以下呢個就係我個餐($62)，包括的食物亦較多:
小食方面，我就叫左薯條，薯條好好好好食，係即炸，好香、食落去係會燙親個口的，要小心啲食。唯一批評係個醬，係沙律醬，唔襯個薯條，我情願要普通蕃茄醬。
仲有個章魚小丸子，又係唔記得影相，有3粒，呢個不過不失啦，咁自己又唔會要求係元氣食度日本質素的小丸子，啲章魚小丸子都好熱，裡面不算太外脆內軟，裡面的章魚亦太細粒。
仲有個刺身，三塊三文魚，都幾新鮮，幾好食。
炸蝦壽司就正正常常，無乜特別。
另外仲有3件壽司，其實都係正常野，唯一唔鍾意係中間個件生蝦壽司，係都要加PAT 沙律醬，完全唔夾，感覺有啲似係因為個蝦唔夠新鮮，所以要加啲醬去掩飾。
點都好，其實呢餐好抵食，食到好飽，2個人加埋都係$123 (加埋一)
張貼
