旺記冰室 (大本型) (已結業)

下午茶時間，唔多講...去圖炸南乳雞髀併薯條，加多杯熱奶茶，經典！！即叫即做嘅生炸雞髀，嗌咗要等一等嘅，不過炸起上碟熱辣辣、層皮卜卜脆，正！不過食到最後感覺有啲咸，可能啲南乳太入味啦，所以對於喜歡南乳味又鍾意食炸雞髀嘅朋友嚟講真係Fit！其間仲嗌咗個「夾心西多士系列」，不過唔記得影相，西多士個價錢同炸雞髀餐一樣，開頭覺得有啲唔抵，但原來出到嚟哩個夾心西多士係巨型版嘅西多士，大到係兩個人食都絕對無問題。