小肥羊 (已結業)

小肥羊午市同下午茶市有個任點任食，好多人都知唔使點講，但好似唯獨荃灣分店無咁做，點知原來佢個下午茶市一樣有筍嘢，係朋友介紹，真係大鄉里！逢星期一至六，下午茶市（2:00-4:30）有個下午茶大優「胃」，大中小點心一律$7.8，仲有個大大碗滋補湯米線（蒙牛或羔羊），都係$6.8，份量唔會將價就貨，果然大大碗，話得滋補湯，湯底果然有朕藥材香味，唔算好濃，都易入口，老實講，補唔補？補乜嘢？就真係唔知，不過$6.8一碗，凈食米線都抵啦！況且，加多兩個點心，計埋茶介加一，都係三十幾蚊，諗得過啦！另外，點心試咗個棗泥拉糕，賣相唔算好靚仔，但食落又算幾香棗味，係韌咗Ｄ咁！