影片
更多
2023-05-17
1845 瀏覽
等到老友「洪哥」星期六短週，加上地鐵有半價，所以，兩支公專登入到嚟大嶼山行山，而今次選擇嘅喺由梅窩起步行，經南山古道、南大嶼郊遊徑上到伯公坳，再過對面接地塘仔郊遊徑，然後落返石門甲，再去逸東邨食番個下午茶補一補，行得夠晒皮。因為上年年尾嚟過呢邊住民宿Staycation，所以對「滿東」、「逸東」都有啲認識，而今次所試嘅喺「大少燒味」，因為好似睇見啲食評都唔錯。 一入去，以舊式大排檔嘅鐵皮綠作主色，再加上唔少懷舊元素，尤其喺地下懷舊嘅紙皮石地磚。臨尾跟收銀阿姐傾開，原來租舖時喺應房署要求相配合，跟番整個逸東街市所走嘅懷舊路線，如果有入過逸東街市嘅朋友都知，嗰個室內冷氣街市裝修好特別。下午茶餐有唔少選擇，而平時行完山食下午茶都喺食得輕怡啲，三文治餐呀、菠蘿油餐呀之類，但今次一早入嚟行山，預咗會早少少完，只預咗少少乾量墊墊肚，所以，下午茶兩支公都喺食返碟頭嘢。餐具、餐紙、糖包就照茶記一貫設定，擺晒喺枱側嘅抽櫃裡邊，大大個枱號手寫咗喺枱邊，喺好老派嘅做法，又多添半分懷舊味道。乾炒肉片烏冬 $44雖然話喺下午茶餐，但蛋份量一啲都唔可以少覷，分量非常十足，而且喺即叫即炒，嚟到分外熱焫焫，好有鑊氣咁
一入去，以舊式大排檔嘅鐵皮綠作主色，再加上唔少懷舊元素，尤其喺地下懷舊嘅紙皮石地磚。臨尾跟收銀阿姐傾開，原來租舖時喺應房署要求相配合，跟番整個逸東街市所走嘅懷舊路線，如果有入過逸東街市嘅朋友都知，嗰個室內冷氣街市裝修好特別。
下午茶餐有唔少選擇，而平時行完山食下午茶都喺食得輕怡啲，三文治餐呀、菠蘿油餐呀之類，但今次一早入嚟行山，預咗會早少少完，只預咗少少乾量墊墊肚，所以，下午茶兩支公都喺食返碟頭嘢。
餐具、餐紙、糖包就照茶記一貫設定，擺晒喺枱側嘅抽櫃裡邊，大大個枱號手寫咗喺枱邊，喺好老派嘅做法，又多添半分懷舊味道。
乾炒肉片烏冬 $44雖然話喺下午茶餐，但蛋份量一啲都唔可以少覷，分量非常十足，而且喺即叫即炒，嚟到分外熱焫焫，好有鑊氣咁，老友食落就話惹味香濃，烏冬保持咬口感，不過佢話肉片就似大條嘅肉絲多啲，但最緊要個口感都喺保持鬆化。
馬來炒貴刁 $44同樣小弟所揀嘅炒貴刁，一樣大大碟，真喺唔覺得喺下午茶餐嘅份量，因為好多時出面食下午茶餐嘅碟頭飯，都喺迷你版，再者依度亦都無話將貨就價少咗材料，你見蝦仁、叉燒、炒蛋一樣混到滿滿，而且，個咖哩味好香，叫人食得好滋味，個人而言，喺覺得有少少油啫。
熱奶茶、熱齋啡嚟到茶記，小弟就唔使講一定喺揀熱奶茶，同埋睇見佢哋個水吧，有種懷舊味，感覺都沖得會唔失禮，實際上飲落都真喺甚有水準，茶底夠醇厚而幽香，茶奶比例又恰到好處，喺好有水準嘅出品，此外，更加喺鍾意佢哋嘅厚身瓦杯，咁先喺飲奶茶嘅風味嘛！
食完飽晒，氣力都返使嚟，索性由「逸東」行返出去東涌搭地鐵走，完滿結束今日大嶼山嘅小長征！
張貼
