やき肉 (元州街)

營業中

休息中

想食好耐，終於有時間去幫襯。閒日嘅下午去食，完全唔洗排隊，入面冇咩人。環境唔錯，每個位都有各自嘅點餐屏幕同埋烤爐，枱面闊落，每兩個位都會有啲調味料同埋冰水壺。調味料有：醬油、味增、辣醬、蒜蓉、檸檬、鹽，選擇都幾多。之後見倒下午茶價錢唔錯，所以嗌咗下午茶試下。下午茶係要同伙記落單，點餐機係冇得落單。(注：下午茶時段係星期一至五1500-1730)啱啱呢日伙記同我哋講話冇豬五花，所以我哋就嗌咗雞腿肉(120g) $32 同埋五花牛(120g) $36 嘅Set各一。雞同牛嘅厚度切得幾好，好方便燒。呢個set入面有120g肉、一碗飯、一碟仔泡菜，飽就唔飽嘅不過有得玩下燒肉係幾過癮。總結，呢個價錢有得食下燒肉又有得自己燒，其實幾過癮幾好玩，下午茶性價比幾高。如果只係想過下口癮同埋玩下燒燒肉，下午茶時間食係最好。