L'attitude (已結業)

諗住帶兩個姨甥去茶餐廳食下午茶，點知俾佢哋見到依間食肆開張左，跟住就拉左我入去食嘢。諗住叫下午茶，但侍應生話冇TEA SET，唯有照ORDER，以下午茶角度，價錢相當貴。我叫咗個德州燒烤牛肉漢堡、CAFFE LATTE同TOKKI HONEY TOAST。唔知係咪開張頭幾日，等咗20分鐘都未有野食，跟住要催催個侍應生， 因為啲細路係度狂催我 。德州燒烤牛肉漢堡份量幾大，裏面有牛肉漢堡扒、蕃茄、芝士，煙肉、生菜等。味道唔錯，材料新鮮。咖啡味道可以，有咖啡味但不太濃，奶滑。TOKKI HONEY TOAST係一個立體方形盒多士裝住個雪糕，而裡面另有幾條多士條，對兩個細路嚟講，有雪糕食咩都叫好味。佢哋對我都好好，俾我食一條多士咁大把，多士條連雪糕一齊放入口時，嗰種又凍又暖又脆口嘅感覺好正。唯一不足之處係我哋坐係洗手間附近，嗰枱嘅位好焗，我只好要求侍應生調大冷氣，冇幾耐，隔離枱嘅老人家又覺得好凍，我哋唯有快快食完走人。