Amber’s Table

營業中

休息中

黃埔餐廳選擇一向感覺冇乜新意呢日想食啲之前未食過嘅就同朋友周圍搵最後畀呢間餐廳嘅靚門面吸引咗加上門口姐姐好好禮貌 入面座位編排又夠闊落令我哋覺得70蚊左右一個TEA SET都係抵嘅！我哋因為都好肚餓，所以九秒九叫咗以下兩個餐👇🏻1. 牛肉漢堡配他他醬及薯條 只要係食西餐，我通常都會有漢堡叫漢堡。呢個漢堡雖然係下午茶，但相當大份，漢堡又夠晒厚，咬落啖啖肉之餘夠肉香，加埋酸酸甜甜嘅醬汁，味道平衡得好好。薯條亦都夠熱同香口。 2. 自家製窩夫配焦糖合桃香蕉 🍌雖然只係68蚊，但超級大件夾抵食，你話收多20蚊我都覺得合理。用料十足，香蕉、鮮忌廉、核桃、焦糖醬再加薄荷葉，齋睇字面都知個味道幾咁有層次！窩夫外脆內軟有蛋香，就算淋咗咁多醬都冇變稔，但如果一個人食晒成份應該會漏，建議開心share。呢個嘅賣相亦都係100分，唔怪之得差唔多每枱都有叫一份嚟食。✅值得一提係佢嘅跟餐咖啡☕️係illy，好有誠意；而且佢畀客人加落咖啡度嘅係牛奶唔係奶精，啱晒我呢啲講求健康嘅嗜食者。