敏華冰廳 (荃錦中心)

營業中

休息中

下午茶時段本身經過敏華想食下炒蛋多士，見到下午茶餐有黑椒牛肉炒意粉，又想試下。平時食開蔥油煎蛋豬扒飯，覺得幾大份而且味道唔錯。依家連茶餐廳都有得手機落單，而且仲有set到走洋蔥依個選擇，非常好。一上到枱見唔到干炒牛河果啲五顏六色嘅配料就知道係我嘅野🤣第一啖放入口差啲辣親個口，超級新鮮，即炒起熱辣辣。牛肉唔韌不過當然唔好要求佢會有牛肉味啦，香口有穫氣新鮮熱辣已經加分。餐飲要左熱檸水可以去下油膩，一眼望見有4-5塊檸檬就知一啲都冇慳皮。下午茶時間見佢keep住會有酥皮蛋撻同菠蘿包新鮮出爐，2樣都有啲興趣，不過食完炒意粉再食個包好似有啲heavy，所以就叫左個蛋撻算。平時都唔係特別鍾意食酥皮蛋撻，係見佢新鮮出爐，點知一食落去都唔鬆脆，都唔係一層一層嘅酥皮，而且個底好似未熟完啲粉發唔起咁，透透地色，亦都唔覺得有蛋香味。我覺得依個價錢同質素黎講，屋村平價麵包舖啲蛋撻都好食過佢。